TODA A VIDA LAVANDO NO PILÓN

Este venres o tempo regalounos un día moi fermoso, deses nos que asemella que o sol acariña e o aire cheira a cores.
Neses en que os nenos son felices xogando fóra e se sorprenden cando ven dous avións cruzándose no ceo. Ou neses nos que eles te sorprenden lavando a roupa dos disfraces no pilón, coma se levaran toda a vida facéndoo.

É imoportante crear un bo deterxente, que teña un cheiro que nos guste: un pouco de auga, as "agullas" do piñeiro, un día ou dous para reposar e listo para lavar.

Aínda que o máis importante é aproveitar nos nenos o "querer facer", xa que se observas neses instantes, podes ver que a súa capacidade de aprendizaxe é tan grande como a súa motivación.


NIN TAN SE QUEIRA A LAVADORA O FARÍA MELLOR.